Bu həftədən etibarən Təhsil Nazirliyinin təşkilatçılığı ilə hər həftənin şənbə günü “Mədəniyyət” kanalında “Dərsdən sonra” proqramının yayımı başlayır. Bu barədə Nazirliyin İctimaiyyətlə əlaqələr sektorunun müdiri Cəsarət Valehov AzTV-nin "Koronavirusinfo" verilişində canlı bağlantıda məlumat verib.
C.Valehov bildirib ki, proqram məktəbdənkənar fəaliyyətlə bağlıdır: "Proqram məktəbəqədər uşaqlar, kiçik yaşlı məktəblilər üçün nəzərdə tutulub və düşünürəm ki, onların xoşuna gələcək. Təxminən 40-45 dəqiqəlik dərslərdə rəqs, rəsm, musiqinin bu və digər növləri ilə bağlı məşğələlər təqdim olunacaq".